[1018]

Autograph: Zürich SIA, E II 364, 95-97 (Siegelspur) Ungedruckt

Hörte von Gregor Bullinger und den Seinen gut gehe; er selbst und sein Sohn sind gesund, während seine Frau seit einem Jahr fiebert. Denkt dankbar an Bullingers Unterstützung in der Angelegenheit seiner Tante [Verena] Heilmann. Da er durch Schüler und Kostgänger stark belastet ist, möchte er seinen Sohn -dieser ist elf Jahre alt und war zwei Jahre in der Lateinschule - unter Verwendung der von der Tante geerbten hundert Gulden nach Bullinger , den Knaben aufzunehmen. Interessiert sich für das Befinden von Bullingers Mutter und Bruder, mit dem er viele Erlebnisse gemeinsam hat. Grüße an Hans Abiberg und Heinrich Schwyzer. Empfiehlt den Pfarrer [Hieronymus Kranz], der durch eine Intrige in Calw, gegen den Willen der Gemeinde abgesetzt und vertrieben wurde; dieser war vor Jahren Schulmeister in Stein am Rhein, unterrichtete die Söhne des alten Bürgermeisters [Hans Schulthaiß] in Konstanz und predigte lange in Kreuzlingen gegen den Priester [Michel von Üsigen].

Gnad und frid von gott, dem vatter, durch unnsern herren Ihesum Christ, ouch was ich liebs, eeren und gutz vermöcht, ist euch von mir alltzit mit guttem willen berait voran.

Briefe_Vol_07_189	arpa

---

Lieber herr vetter ¹ und sonders gutter freunde, ewer und ewers gantzen hußgesinds gesundthait und wolfart 2 hab ich für und für von Gregorio Mangolt und anderen, so gen Zürich wandlen ³ , offt vernomen und darnach gefragt und des von hertzen fröd gehapt. Derglichen ouch ich nit lassen mag ⁴ , dann mich die lieb und freuntschafft, so ewere elteren, ouch ir, zu mein eitern, ouch mir, gehabt, tringt, euch ouch meins wolstands 5 (von der gnaden und gütte gottes) berichten, namlich ⁶ mein und meins sons ⁷ gesundthait. Aber min hußfrow ⁸ hatt jetz gar nach ain gantz jar das kalt we 9 gehabt, jetz kurtzer tagen ettwas nachgelassen.

Witer bin ich noch ingedenck der trew, so mir von euch beweißt in der handlung gegen meiner basen, der Heilmanin 10 , des ich mich noch schuldig zu verdienen 11 erkhennen, danncken euch ouch noch zum höchsten, dann ich darinn ewer freuntlich hertz und gutten willen, den ir mit allem ernst angewendt, gesehen und herfaren hab ¹² . Derhalben, wo ich euch, den eweren oder jemant anderen von ewern wegen lieb und dienst beweisen könde, sollend ir mich willig finden.

Aber meins sons halben soll ich euch berichten, das er jetz ainliff järig ist, sein a 13 studium grammatica Melanctonis ¹⁴ , copia Eraßmi, Terencius, Ovidius in transformatis 15 , proverbia Salomonis, Psalterium. Nun wißt ir wol, wie im die bäsi 16 hundert guld[in]vermacht hatt 17 , dem herren sig lob. Die welte ich gern an in hencken ¹⁸ , dann ich in der warhait mit sovil gescheffts beladen bin, das ich in witer nit kan instituieren 19 selbs. Hab in deßhalb jetz gar nah zway jar zu unnserm latinschen schulmaister ²⁰ gan lassen. Dann ich, als euch diser, mein lieber herr und bruder ²¹ , wol sagen kan, by 150 schuler hab

Briefe_Vol_07_190	arpa

---

und zwölff edelknaben im tisch ²² , die all schriben und rechnen lernen, ouch jetz zway gantze jar allemal zwen besetzt tisch und also mit den selbigen beschefftiget, das ich meinem sun nit kan zusehen ²³ . Darumb an euch, ||⁹⁶ min lieben herren und freund, min gantz fruntlich und ernstlich bitt ist, ir wellend mir in trewen in diser sach raten und beholffen sein, als ich dann ain sonder gut vertruwen zu euch hab; dann ich vernomen, wie ir ettlich jungen by euch haben, die gar wol gehalten und geschickt 24 seyen, wiewol ich es an euch nit begeren, wellen ir mir doch raten, wohin ich in thun sölle, da er versehen ²⁵ were; dann ich jetzmal kainem ort mer lob und priß hor ²⁶ geben, da ouch die vile der jungen knaben sein sollen, als by euch. Darumb, so es müglich were, das er möchte ²⁷ versorgt werden, welte ich in von hertzen gern by euch haben zu Zürich. Bitt euch hieruff gantz fruntlich, wellen mich schriftlich, was hierin ewer gutt mainung sey. Das will ich von euch zu so hochem danck auffnemen, als hoch und groß ich es acht ²⁸ und mir ouch dißmals nichtz liebers von euch begegnen möcht.

Witter, lieber her und freund, welte ich gern verston, wie es ain gestalt umb ewer mutter ²⁹ hette und umb ewern bruder Hansen ³⁰ zu Ottenbach; dann ich und er haben vil mitainander herlitten ³¹ . Bitt euch gar freuntlich, ir wellen im vil gutz von mir sagen. Ich welte in von hertzen gern sehen und ettwas von im hören.

Maister Hansen Abiberg ³² , Heinrich b Schwitzer ³³ , die thund grüssen in meinem namen.

Und zuledst bitt ich euch ouch mit höchstem ernst und fliß, ir wollend disem meinem bruder, zaiger diß 34 , umb gotz willen und zu furderung seins wortz, ouch umb meintwillen beholfen und beraten sein, ouch im gutz thun; dann er warlich ain fromer ³⁵ , gelerter gesell ist und jetz kurtzlich von den finden Christi und seins wortz von Calw uß Wirtemberg vertriben unschuldgklich

Beiträge zur Geschichte einer mittelalterlichen Stadt. Aarau 1937, S. 114). 1504 besuchte er das Schützenfest in Zürich (Glückshafenrodel I 505, 14). Weiteres ist über diesen offenbar gemeinsamen Bekannten aus Bremgarten nicht bekannt.

Briefe_Vol_07_191	arpa

---

und unverdienst. Dann als Maister Ambrosi ³⁶ jetz anhaimsch ³⁷ komen, hat mir sein knecht ³⁸ , den ich zu gast gehalten, ||97 anzaigt, wie die widerwertigen in in der cantzly ³⁹ verclagt sollen haben, als ob er ettwas artiklen ⁴⁰ gepredigt hab, inen nit gefellig, von der oberkait etc., und haben solche clag than, als ob es von ainer gmaind inen befolhen, namlich der vogt ⁴¹ , stattschriber ⁴² . Und ist aber alles hinderrucks der gmaind beschechen. Derhalben ich von Maister Ambrosis knecht wol vernomen, das im gar ungüttlich beschicht ⁴³ . Der ist sidoher zu Calw gewesen, sagt mir, wie die fromen lüt sich so hertzlich übel umb in clagten 44 und hoffnung ghapt hetten, er solte wider zu inen komen sein, das aber nit hat sein mögen. Acht ⁴⁵ ouch, sig ⁴⁶ sein beger nit, zu sölcher grosser gfar libs und lebens sich ze begeben. Aber an seiner person ist in der warhait nit arx ⁴⁷ ; dann ich in lang zeit gekent hab, do er vor jaren schulmaister c zu Stain ⁴⁸ gewesen ist, ouch nahmals unserm alten burgermaister ⁴⁹ seine sun, die jetz zu Basel seind ⁵⁰ , , instituiert hat, by dem er vierthalb ⁵¹ jar sich gehalten, ouch lang zeit zu Creutzlingen ⁵² wider ain tüffelichen ⁵³ bäpstler 54 (von dem ir vil gehört, der lang zu Frowenfeld gfangen gelegen) geprediget hatt und warlich vil gutz im wingarten des herren ⁵⁵ dur sein gottliche genad geschafft. Darumb wellen euch in befolhen haben, und was gutz im bschicht, will ich nit anders haben, dann als obs mir selbs widerfaren. Damit sig der herr mit seiner gnad mit uns allen.

Datum Costantz, uff den 10. iulii anno etc. 37sten.

Ewer gutter freund

Augustin Hailman,

grichtschriber zu Costanz.

[Adresse auf der Rückseite:] Dem erwirdigen unnd hochgelertenn herrn Bullinger zuo Zürich, minem liebenn und besondern guten freunde.