Hat Vives' "Introductio ad sapientiam", die auch zusammen mit Pellikans Bibelkommentaren erschienen ist, in die Volkssprache übertragen und bittet um Prüfung seiner Übersetzung.

Gratiam et pacem a domino etc.

Libellum Ioannis Ludovici Vivis Valentini, qui Ad sapientiam introductio a inscribitur, quem eciam Pellicanus suis Bibliorum commentariis addidit 1 e Latino sermone in vernaculum transtuli ² , operae pretium, vir humanissime, existimans, quo libellus ille aureus non tam eruditorum quam rudium manibus conteratur, presertim, quum verae theologiae ac sapientiae ratio seu compendium, ut ipse plane nosti, in hoc reperiatur. Methodus melior profecto ad pietatem hac praescribi vix possit, et quae alii Meandris 3 et longis ambagibus complexi sunt, ille paucis et grata brevitate omnia, quae pietatis sunt, comprehendit. Propterea dignus est libellus, ut aut mea aut aliorum opera in lucem exeat, non incertus, quin multum fructus inde pietati possit accedere. Cum equidem compertum habeam, quam eruditum, quam omnibus numeris absolutum ⁴ esse debeat, quod in publicum exit et omnibus legendum proponitur, transmitto propterea hunc libellum ad te causa recognoscendi. Quem quidem transtuli, sed quam dextre reddiderim, dubius sum. Oratum igitur, vir colendissime, te volo, ut admittentibus negotiis tuis in rei christianae commodum hunc libellum emendandi, limandi reprehendendique b gratia revidere digneris, quo tua opera et lectione castigatum et commendaturn opus sub incudem detur et in lucem exeat. Si vero hec tralatio mea luce digna non fuerit, abeat, quo digna sit, et intercipiatur, libellus vero usque ad adventum meum apud te servetur.

Vale bene cum tua perchara familia et me, ut facis, ama.

Datae Glarianae 23. die augusti anno 1540.

F. Fonteius Glareanus,

humanitatis tuae deditissimus.

[Adresse auf der Rückseite:] Ornatissimo viro Henry cho Bullingero, verbi domini ministro apud Tigurinos, fratri ac domino suo observando. An Meister Heirich Bullinger, predicant zu Zürich.