Ich hab gedacht, wann möglich were, das onverzug denen von Strassburg geschriben wurd ||⁷⁵ durch den Frantzosen, wie inn sölichs anlange, und das sy bedencken wellten, was im und inen daran gelegen sey, das sy gute nachpurschafft nitt lassind zerrütt werden, wie dann die warhait ist, und man das selbig nach der leng ausstrichen ¹² köndt, es sollte treffelich gut und nütz sin; dann damitt und von sölichs schreibens wegen hetten die von Strassburg etwas entschuldigung irer gelegenhait nach gegen den anderen stenden. Ich hett ouch ausß vyl ursachen für nützer, das sölich schryben durch den Frantzosen dann gmain aidgnossen beschäche, wie wol, wellten sy ouch schreiben, mocht nichts schaden, wann es nun ¹³ alles unverzug beschäche. ¹⁴ Ich hoff, die gesandten der stett zu Spir werdind söliche schwäre, wichtige sach nitt bewilligen on hindersichbringen ¹⁵ an ire herren, allso das vyllicht an gemeldtem schriben, so es ylends bescheche ¹⁶ , nichts versumpt ¹⁷ möchte sein. Hinwyder waiß ich wol, wie man etwan ylt und durch posten ¹⁸ die ding uherhuyet ¹⁹ , das wol möglich, es seye zu spat. der Badener Tagsatzung vom 17. März; s. EA IV/1d 356 d.

So sech mich ouch gantz für gut an, das gemain aidgnossen minen herren von Costentz ouch auff sölich mainung schribind, wie sy anlangte a , das inen solichs wurde zugemutet, derhalben sy bedencken weiten, was auff solichem allem stönde, zu was nachtail zu allen tailen diß bewilligung raichen möchte, wie vyl an solicher guter nachpurschafft gelegen, wie man dann vyl und mancherlay fürwenden möchte etc. Dann allso, hoffte ich, möchten meine herren bewegt werden, sich des zu wegeren ²⁰ , köndten ouch sölich der aidgnossen schreiben für ain ursach fürwenden etc. Ich wellt ye von gantzem hertzen gern, das diß jomer verhüt wurde. Ich darff euch ||76r. nitt schreiben, was ich waiß; so wartet man yetzund alltag ander brieff, und sind vyllicht ettliche schriben vorhanden, darinn man blauw dunst sich understeht den ougen fürzeweben ²¹ . So kan das menschenkind wunder über wunder, und seind der herren hochgeferbte, kluge fürgeben ²² schmaltzig und süsß, das mir warlich myn hertz bidmet ²³ by denen sachen, alls ²⁴ übel besorg ich, man begang etwan ain torhait, sonderlich diewyl (alls ir vyllicht wol wissen mögt) diser statt teglich nitt gering beschwerden von den aidgnossen widerfaren. ²⁵ Es darff hytzigis senens ²⁶ und schreyens zu gott, das er unsß auff seinen wegen behalte.

Ich hab euch vormals von ainer grossen sach und kunst 27 geschriben; da bittend gott von gantzem hertzen, das er den finder mitt krafft erhalte zu allem gutem.

Ich waiß, das euch diß hendel ouch, wie billich, angelegen, derhalb ich euch nitt underlassen mögen, diß zeschreiben by aignem botten, welchem, so ir den bottenlon nitt wisst usserhalb ewers seckels zuentrichten, hat kain not, so will ichs thain ²⁸ ; aber diewyl ich lyden mag, das ir meinem g[nädig]en herrn burg[ermaister] Rösten ²⁹ sölichs ouch anzögind, und es ain gemain sach ³⁰ ist, gedenck ich, man entrichte den botten sonst on ewern schaden; wa nitt, so sollt ir ruwig sein, ich will inn zefriden stellen. Ir hapt vyllicht die zeytung ³¹ vorhin ³² ; noch hat mich getruwe sorgfeltigkait ³³ getriben, das ich allso mine gedancken und gute beduncken hab anzögen müssen. Alls bald dann andere schreiben weyter herkommend, will ich, sovyl mir möglich, allweg euch berichten, so erst ich bottschafft hab, oder wa die sachen allso groß und wichtig sich zutragen wurden, by aigner bottschafft.

Datum den 22. martii anno 1544.

[Ohne Adresse.]