Freut sich über den Brief des Myconius [Nr. 284]und ist besorgt wegen der Lage der Reformierten in der Eidgenossenschaft. Die Situation in Zürich ist nicht so hoffnungslos, wie viele meinen; einige Ratsherren schwanken zwar, das Kirchenvolk bleibt jedoch fest. Kriegsangst in Zürich, Sorge wegen der Unterdrückung der Reformation, Bereitschaft zur Verteidigung, jedoch noch ohne konkrete Schritte, wie etwa die Wahl eines Hauptmanns, solange keine unmittelbare Kriegsgefahr besteht. Wegen einer von Myconius erwähnten Äußerung [Johannes]Haabs will Bullinger etwas unternehmen. Gerüchte von einem Überfall der Spanier auf Rom und der Abreise des Bischofs von Veroli aus Luzern. Grüße von [Heinrich] Utinger.

Gratiam et vitae innocentiam a domino.

Neque mihi, frater omnium charissime, quicquam in omnibus meis tentationibus suavius est, quam si a te et viris aliis piis exhibeantur literae 1 . Tam excruciat me miserum commune istud Helvetiae patriae novum periculum. Vere, vere, ruinam minitantur omnia. Utinam liberet dominus sanctos suos ex maximis istis miseriis, verum fiat voluntas domini ² .

Quae tu mones populo inculcanda esse ³ , sedulo facimus, nec frustra penitus, licet non tantum, quantum vellemus. Utut enim multi desperaverint de Tigurinis, ego interim nondum desperavi. Habemus quidem plures in senatu utroque poplite claudicantes 4 , quam rei christianae prosit, sed syncera et constans est ecclesiae mens. Formidamus item bellum, quod misera et nupera ista clades ⁵ nos propemodum attriverit totos adeoque et aestus huius vulneris nondum deferbuerit in multorum pectoribus. Quin et optimi viri timent fidei negotium prorsus conculcandum fore, si hostes adhuc tot fuderint fidelium centurias, quot pristino summo cum ecclesiae detrimento fuderunt. Cumque ego iam moneo hoc acuratius invigilandum esse, quo maius futurum sit periculum, si vincamur, respondent illi, se pro virili rebus invigilare servandis. Pararunt se hodie nostri et in urbe et in agro, ut possint hostium incursiones avertere, sed tum, ubi nulla pacis spes, licet nullum adhuc certum crearint vel imperatorem vel belli duces.

Quae de Habeo ⁶ scribis ⁷ , intellexi curaboque, ne frustra monueris.

Vive et vale.

Rumor hic apud nos est Hispanos irrupisse Romam atque hac ex caussa Lucerna abiisse Verulanum ⁸ . Ego proditionem esse interpretor. Utinam fallat divinatio.

Tiguri, 16. novembris 1533.

Salvum te vult Utingerus meus.

Heinry. tuus.

[Adresse auf der Rückseite:] Clarissimo viro Osvaldo Myconio, Basileiensis ecclesiae pastori vigilantissimo, suo in domino charissimo fratri.