Las das Bekenntnis der Zürcher [Nr. 482]. Es befriedigt, doch muß den Zürchern gezeigt werden, wie gut es zur Meinung anderer paßt. Beklagt deren Fehlen am [Konstanzer]Gespräch, deren Angriffe auf nicht eingesehene lutherische Schriften und das Ausweichen vor einer Vergleichung, die nicht allein schriftlich geschehen kann und für die er dreimal schon die Schweizer, davon zweimal Bullinger, aufgesucht hat. Mahnungen und Grüße.

Gratia et pax, charissime et observande Bullingere.

Legi vestram confessionem ² , sed quam necessarium fuisset nos colloqui, cuius caussa tot fratres pertraxi huc ³ in ista tempestate! Confessio per omnia satisfacit ⁴ , etiam interpretatio. Tamen propter alios docendi estis, quam ea quadret cum aliorum sententia a . Fatemini Lutherana vobis non visa ⁵ - at hi quo loco in ecclesia sunt? - et impugnantur interim. Me infelicem, qui non possum impetrare a vobis amicam de hac re collationem 6 ! Dominus novit, quid quaeram. Is adsit vobis, quorum ego rationem ubique habebo et verbum domini non cauponabora ⁷ . Patres olim scis ut libenter convenerint ⁸ . Quis ego aut ulli homines ut possitis a nobis vestrae metuere fidei? Unum obsecro: Donec plene audire nos in animum induxeritis, nolite nos iudicare, et quod molimur concordiae opus, dum caussam utrinque intellexeritis, nolite damnare. Scriptis causae istiusmodi non possunt transigi. Tertio iam sequutus vos sum, bis te ⁹ , nec potui impetrare iustam collationem. Id dolet plus quam effari queam, quia contra leges verae charitatis et exempla omnium saeculorum ¹⁰ . Sed nihilominus colo et amo vos in Christo, et spero adhuc fore, ut vestri mihi copiam non negetis.