Furgeliepter herr und brüder. Ewer langer brieff, des datum den 12. iulii zu 9 ur vormittag, ² ist mir durch ainen ³ von Sant Gallen uff 15. iulii nach drey uren aubends überantwurt. Daruff in kurzem yn grosser yl.

Erstlich wisst, das diser jung ⁴ , von dem ir schreibt, ⁵ nitt bey mir gewesen, ouch kain brieff des innhalts, davon ir schribt, ⁶ mir von yemand überantwurt worden. Darum wellt nachfrag halten, wa bott und brieff hinkommen. Es ist aller falsch und untreuw in der wellt, und gilt warlich uffsechens, dann es ist alles voller verreterey. Vyllicht ist dem gesellen sonst etwas begegnet. Ich will mich auff Augspurg auch erkundigen, ob ich in erfarung kommen möchte, was er fur ain mensch seye.

Sonst darff ⁷ es dismals nitt schreibens. Hab euch aller erst geschriben, ⁸ und ir wisst nunmehr, wie sich all sachen bys anher verloffen. Gott geb gluck und gnad, das gutem anfang besser fürgang unnd der aller best ussgang widerfare, und mitt gottes forcht und yfer alles gehandelt werde.

Ich will euch gern schreiben, alls offt ich mitt fügen kan ⁹ ; aber mitt unserm stattschreiber ¹⁰ kan ich dis orts nichts den graden weg usrichten. Ich

|| 18I Das ir gern sechind, ¹⁴ das die eweren all an ainem sondern hauffen wehren under unserer hoptleut ainem und das ain gute ordnantz ¹⁵ gehalten wurde zu baiden tailen, ¹⁶ sechind wir all ouch gern. Welten gern helffen und rathen, wa etwas zu unß stände ¹⁷ . Aber wir achtend, es werde allso alles uff zimlich und lydlich weg gebracht. Diß volck alles will sich nitt recht gedinen noch maisteren lassen ¹⁸ , wie ir wisst. Mann will an denen orten mitt zucht schlapen ¹⁹ , wie mans anfacht ²⁰ .

Mein l[ieber] vetter ²¹ empiet euch vyl gutz und grutz ²² . Achtet, es werde im an der zalung an euch nichts mangeln. ²³ Will dero erwarten und sich beflissßen, das er euch dabey ouch nichts schuldig beleyb. Wolan! Extra iocum, lasst unnß bitten, flehen und von hertzen schreyen, das der herr gott diß sach füren und ussfüren welle zu seinem ewigen lob!

Ich uberschick euch hiemitt ain schrifft ²⁴ , deren unser frommer doctor Hans Zwick selig und ich ain bruch gehapt, so ich etwa nitt hie gewesen hyn, und wir ainander etwas vertraulichs geschriben haben. Were gut in denen löfen behutsam ze sein, wann brieff veruntreuwet wurden, das es yederman on nachtail were. Mir ist sovyl mitt brieffen begegnet, daß ich billich behutsam sein und gwarsamlich handlen sollt, alls ich ouch in vyl weg köndt des schribends halber, so es von nöten sein wellt.

Was yetzund die zeytung ²⁵ seyen und wie sich all ding schickind unnd zutragind, schreibend hiemitt ²⁶ gantz fleyssig meine herren ewern gehaimen räthen. By denen wellt euch deren ding erkundigen, wie ich dann ongezweyfelt hyn, sy euch des nichts verhaltind, diewyl gut das irs wissind. Es schickt sich doch alles noch woll und besser, dann wir wert seind. Dem herren seye lob und preyß in ewigkait. Den lasst unß mitt allem ernst anrüffen, das er für und für ²⁷ der besser ²⁸ sein, kain alten schaden an unns rechen, sonder mitt unns nach seiner vätterlichen güte und truw zu hailgung seines grossen nammens handlen welle.

||182 Ab dem tag zu Baden ²⁹ vernym ich wol das ir prediger zu Zürich geschuldiget werdind, ir machind den bouff der knecht und predigind trungelich 30 , sy sollind yetz louffen und seyen des schuldig, etc. Aber ich gibs für ain calumniam. Waiß euch vyl baß ³¹ gesinnt, dann das ir allso die gmainen knecht uffstyflind ³² . Gedenk aber, ir then getruwe meldung, was ainer oberkait hierinn gebure, wie ich dann ausß ainem ewerm schreiben vernomen, das ir ernstlich an der sach seyen und predgind, etc. Sölichs wirt euch dann von den böswilligen dahin gedeut, alls ob ir die knecht selbs ze louffen bewegind und raitzind. Hab ich euch danecht ³³ nitt underlassen wellen, anztizögen, euch dest baß wissen in die sachen zerichten, sonderlich die weyl es ouch diser zeyt nitt von nöten, das ouch ewer oberen dahin gewysen werden.

Dann mir ist in vertrauwen angezögt, das mine herren byß anher vyl lieber gesehen habind, das Turgöwer, Dockenburger, Apozeller und ander geloffen seyen, dann Züricher, ³⁴ usß ursachen, das sy lieber wellind, das die Züricher ir volck behaltind, damitt, wa sich etwa by unß unru erhübe, das wir aintweders ³⁵ leut zu ainer besatzung bedörfften, oder wir vyllicht etwa dem find a ain ynfal thain ³⁶ welten, das wir euch dann gehaben ³⁷ möchten, die wir dann vyl lieber dann ander haben welten usß nitt geringen ursachen. Dann Turgöwer. etc., seind ain volck on ain ainigs hopt, und desshalb usß vyl, vyl ursachen schwärlich mitt inen etwas uszerichten, etc. Sonst die ewern wurden allweg ³⁸ neben den unsren ouch von euch ain zugebnen hoptman

Sollte sich dann under den Aidgnossen selbs etwas unru erregen (wie man dann vernympt, das man ubel züsamen sticht ⁴¹ zu Baden) und ir alls dann vyl knecht und vyllicht die besten dussen ⁴² hetten (wie wir dann vernemmen, 43 das iren vyl waidlicher ⁴⁴ leut und ain kern der ewern gern zugind ⁴⁵ und gantz bewegig seyen), so were es nitt gut. Dann sollten sy in sölichem fall widerum haim ziechen und euch, wie billich, bystendig sein, das mochte alls dann den unsern vyllicht ain grosser nachtail sein. ||183 Sollten sy dann by den unsern blyben wellen oder alls dann vyllicht die sachen dermassen uff unser seyten geschaffen sein, das sy nitt köndten abziechen, so were dasselbig euch ain grosser nachtail, so ir iren manglen sollen.

In summa: dieweyl die unsren diß mal mitt leuten nach aller notturfft allenthalb versechen und der knecht eh zu vyl dann ze wenig seind, so ist das best, ir rathind in allweg und helffind dahin by sonderen personen der ewern und sonst in gemain, das sy anhaim belybind. Aber so sich mitt der zeyt die obgemeldten fell zutrügind, wie dann vermutlich das ain werde doch beschechen, alls dann sind handtuch und wendend allen möglichen fleyß an, wie wir unß da[nn]gentzlich zu euch versehend ⁴⁶ damitt wir von den eweren hilff und bystand habind zu der selbigen zeyt. Dann diß sach sicht im gleych ⁴⁷ , das sy gantz weytlöffig werde, schafft des kaisers ⁴⁸ grosse macht und der pfaffen schwärer seckel. Werden all ir hail versuchen unnd wol wissen, das es gillt sygen oder gar verderben, und, wie man sagt, bischoff oder bader werden ⁴⁹ . Derhal[b] vermutlich diser brey werde nitt by ainem führ gesotten. ⁵⁰ Aber wir sond im herren getrösst.

Grützt ewer haußgesind sampt allen guten herren und freunden. Wir begeren irer und der gantzen kirchen by euch getrüw fürpitt. Min I[ieber] br[üder]⁵¹ und vetter C[onradt] Zwick empieten euch alles liebs und guts.

Ich habs dißmal aber gewagt, dieweyl ich vernommen, das meine herren ewern gehaimen räthen schreiben wellen, ⁵² das ich unsern stattschriber gebetten, euch diß meinen brieff ouch zuzeschaffen.

Datum den 16. iulii 1546.

Ich lig yetz drey wochen inn an ainem brüchlin ⁵³ , das mir vor ainem jar widerfaren. Hofft man, mir ze helfen, das ich mich nitt musß schniden lassen. Und schikt sich die sach wol! Bätend gott, das wol gonnt ⁵⁴ .

[Ohne Unterschrift.]

[Ohne Adresse.]