Wenn die Zürcher nicht im Sinn gehabt haben, Karlstadt den Baslern zu überlassen, warum empfahl ihn dann Bullinger? Zweifellos ist allein sein Eingreifen daran schuld, daß der Rat von Zürich diesen nicht ziehen lassen will. Jetzt müssen die Basler eine Sonderbotschaft in dieser Sache nach Zürich senden. Bullinger könnte die Basler, die ihm ernsthaft zürnen, nur dadurch versöhnen, daß er jetzt seinen Einfluß für die Entlassung Karlstadts aus Zürich doch noch einsetzt und das auch erreicht. Bullinger soll auf den dem Verwandten Leo Juds [Hans Heinrich Winkeli?]mitgegebenen Brief antworten.

S. Dum praeter animum erat vestrum Carolostadium dimittere, quur tu tantopere virum commendasti? ¹ Quur in postremis literis ad finem adiecisti: «Quid de Carolostadio» 2 , tanquam eius nos essemus obliti? Non dubium est, quin tu unus in causa sis, quamobrem senatus nolit dimittere ³ , propter commendationem, quam somnio te coram hoc et instituisse et perfecisse. Potius erat meliusque, si propositis causis nostris, ob quas illum recepissemus, admonuisses, ut hac in re morem nobis gererent, cum hoc sine ipsorum fieri posset iactura. Nunc nos ecce cogitis legationem ob eam causam ad tuos mittere ⁴ , qui precentur, ut quod apud nos statutum, id isti ratum habeant, si velint literis et ecclesiae quodammodo nostrae consultum. Quod prius igitur peccatum est, nunc fac emendetur quacunque tandem ratione, ni malis fratres et ecclesiam Basiliensem iniquiorem fore tibi. Erras, si putas me iocari. Nemo est enim, qui factam renunciationem non adscribat Bullingero, ego vero in primis. Fac igitur, amicorum charissime, nobis hic reconcilieris. Quod fiet, si effeceris, ut Carolostadius dimittatur. Non est recantandum tibi quicquam, sed dicendum modo precibus te permotum nostris et literarum amore, quas apud nos promotas magis cupias ea quidem parte, qua Carolostadius ante omnia promovere a possit. Non desunt nobis docti, non deest ratio doctrinae, sed hic ad suum munus alius alio dum cogitur respicere, fit, ut damno nonnihil iaceamus obnoxii. Ergo si sic feceris, non est, quod queat exprobrari deinceps.

Reliquum est, respondeas ad literas ⁵ , quas misi per cognatum ⁶ Leonis 7 .