Hat Myconius' Brief [oben Nr. 698] durch den Bruder von F[ranz]Lambert am gleichen Tag erhalten, an dem [Hans]Rudolf Frey die Zustimmung des Zürcher Rats [zum geplanten Konvent] erlangt hat. Möchte die Straßburger erst gegen Ende der Beratungen zulassen, da er nutzloses Gerede und Streit befürchtet und die von ihnen vertretene Auffassung von der Vergegenwärtigung Christi kraft der Amtsgewalt ablehnt. Wünscht als St. Galler Delegaten Vadian. Billigt die [in Aarau verabschiedete]Abendmahlsformel.

Gratiam et pacem a domino.

Commodum et in tempore mihi tuas, vir ornatissime et charissime, literas 1 attulit frater ille F[rancisci]Lamberti ² ; nam eodem die Rodolphus ille Phrigius, vir integerrimus et fidelissimus, legatione sua functus, quae petiit a senatu nostro, impetravit ³ . Conveniemus ergo, ubi nostratibus fuerit visum. Verum nolim ego primo conventui interesse Argentoratenses ⁴ . Non odi homines, deum testor, neque illorum execror aut detrecto colloquium, in praesenti modo nolim istos nostro interesse colloquio. Nosti, quanta illi utantur verborum turba, quantis ambagibus. Audivimus semel Bucerum apud nos de re, quae paucis exponi potuisset, aliquot horis disputare ⁵ . Futurum ergo est, ut totos dies rebus interim infectis disserturi sint, si illos admiserimus in colloquium. Und wirt nüt anders druß dann ein wild gehäck ⁶ . Concident et nostrorum animi, ubi istorum audierint mitigationes. Invenient apud vestrates et nostrates, imo et apud Bernates. quibus mitigatio rerum omnium placeat. Quid fiet? Committentur nostri, omnisque plebs acclamabit nobis hoc epiphonematis: "Seducimur a pfaffis istis", "dissentiunt inter sese". Caeterum si nos, quibus una est confessio ⁷ , primum inter nos conspiremus sancte conscribamusque dogmatum et rituum capita simplicia et plana, demum in colloquium Argentoratenses admittere fuerit tutum, in colloquium, inquam, cui literati modo intersint. Tu iam expende negotium. Nam quod isti per minsterii verbi potestatem praesentiam Christi supernaturalem fulcire volunt, probare non possum nec probabo unquam. Indicabitis vos diem in tempore, vocabitis nominatim